बसको अघिल्लो सिसावाट सडकको अवलोकन गर्दै प्रधानमन्त्री नेपाल । तस्विर : माधवनेपालडटकम

• प्रसुती वेदनाले कालको मुखमा पुग्न लागेकी रुकुम मुसिकोट रातामाटाकी २० वर्षिया कमला चन्दलाई हेलिकप्टरमा हालेर उद्धार गरेर ज्यान जोगाइदिए प्रधानमन्त्री माधवकुमार नेपालले । महेन्द्रनगरको एक कार्यक्रममा सहभागि भएर नेपालगंज फर्किएर उपत्यका आउने तयारीमा रहेका नेपालले जव चन्दको बारेमा जानकारी पाए उनले तत्काल आफु चढ्ने हेलिकप्टरलाई चन्दको उद्धारमा पठाएर उनको जीवन जोगाए ।

• जनआन्दोलका घाइते काभ्रेका मुकेश कायस्थ र काठमाडौं सतुंगलका विष्णुलाल महर्जनलाई भेट्न प्रधानमन्त्री नेपाल उनकै निवासमा पुगे । घाइतेको निवासमा पुगेका नेपालले घाइतेका परिवारसंग भलाकुसारी मात्रै गरेनन सरकारले दिंदै आएको चार हजार मासिक भक्ता बढाएर १० हजार पु¥याउने प्रतिबद्धताका साथ दुबैको उपचार प्रकृयालाई अगाडि बढाउने वचन समेत दिएका आए ।
• उपत्यकाको जनजीवनसंग प्रत्यक्ष सरोकार राख्ने,शुरक्षा,सरसफाई, यातायात लगायतका विषयमा प्रत्यक्ष अवलोकन गर्न सम्बन्धीत अधिकारीहरुलाई बोकेर बस यात्रामा हिडे प्रधानमन्त्री नेपाल । उनले जिम्मेवार अधिकारीसंग बसयात्रा मात्र गरेनन् यात्रापछि आफ्नो सरकारी कार्यकक्षमा बसेर उपायहरुको बारेमा छलफल समेत गरे ।

हरुवा प्रधानमन्त्रीको पगरीका साथ चरम आलोचना खेप्दै आएका एमाले नेता तथा प्रधानमन्त्री माधवकुमार नेपालले प्रधानमन्त्रीका रुपमा गरेका यि तीन काम अहिले चर्चामा छन । जारी राजनीतिक गतिरोध अन्त्य गर्न नसकेको, राजनीतिक सहमति जुटाउन असफल भएको तथा सरकारमा बसेर केही उल्लेखनिय काम गर्न नसकेर असफल बनेको भन्दै उनको आलोचना जारी नै छ । यावत विषयहरुमा सफलता पाउन नेपालले कसरत गरेपनि असफल भइरहेतापनि नागरिकको जीवन र भावनासंग गांसिएका विषयलाई नजिकवाट चियाउन प्रधानमन्त्री नेपालले गरेका यि तीन काम कम उपलब्धीपुर्ण भने पक्कै हैन । नेपाल नेतृत्वको सरकारले पाएका सफलताहरुलाइ क्रमबद्ध रुपमा राख्दा यि तीन काम पक्कै पहिलो, दोस्रो र तेस्रो सुचिमा रहनेछन ।

यि कामले नेपाललाई साच्चिकै जनमानसका विच एक असल प्रधानमन्त्रीको रुपमा स्थापीत गराउन महत्वपुर्ण काम गरेको छ र गर्ने छ । हेर्दा सामान्य झै देखिए पनि यि घटना नागरिकको दैनिकसंग प्रत्यक्ष जोडिएका घटनाहरु हुन जसले मानवसंवेदनलाई झ्याप्पै छुन्छ नै  र छोएका पनि छन ।

प्रधानमन्त्रीका यि तीनवटै काम केवल नाटक मात्र हुन भन्ने कोणवाट उनको आलोचना भइरहेको छ नै । मध्यपश्चिममा आएको झाडापखाला रोक्न नसकेर सयौं नागरिकको ज्यान गयो जावो एक महिलाको ज्यान जोगाएर के भयो र ? भन्ने आलोचना पनि नसुनिएको हैन । शसस्त्र द्धन्द्धताका सरकारद्धारा पिडित भएका अनी माओवादीद्धारा पिडित भएका नागरिकलाइ सरकारले वास्तै नगरेको बेला जावो २ जना घाइतेलाइ भेटेर के हुन्छ र भन्नेहरु पनि निस्किएका छन । अनी बुधवार पर्यटकीय गाडिमा चढेर शहर परिक्रमा गर्ने नेपालको कामलाई मिडियामा प्रचारका लागि गरिएको फगत नाटक भन्नेहरु पनि देखिए र सुनिए ।

हो यो सरकार धेरै काममा चुकेको छ । नागरिकको आशा अनुरुपको काम गर्न सकेको छैन सरकारले । नागरिकले यो सरवाट राहतको अनुभव गरेका छैनन यो पनि सत्य हो । तर यि यावत अध्याराहरुका विचमा यि तीन काम उज्यालो प्रकाश भित्र्याउने सफल प्रयास हैनन र ?

अरुका नजरमा हरुवा र नालायक भएपनि रुकुम मुसिकोट रातामाटाकी २० वर्षिया कमलाका नजरमा नेपाल साच्चिकै भगवान बनेर देखा परे । नेपालले जो जोखिममा रहेको उनको ज्यान बचाइदिए । मृत्युको मुखवाट एक नागरिकलाई फुत्त थुतेर ल्याउने काम पक्कै कम प्रशंसनिय हैननै । यो उनले प्रधानमन्त्रीको रुपमा गरेको सबैभन्दा उल्लेखनिय काम हैन र ?

जनआन्दोलनका घाइतेहरु सरकारप्रति निरास बन्दै गएका थिए र छन । लोकतन्त्रका लागि ज्यानको माया मारेर लागेपनि आखिर लोकतन्त्र आएपछि उनीहरुको कुनै मुल्यांकन भएन भन्ने घाइतेका परिवारको रोदन सुनिंदै आएको पनि हो । हिजोका दिनमा जनआन्दोलनका घाइते प्रधानमन्त्री भेट्न निजि निवास र कार्यालयको गेटमा ढुकेर बस्दा पनि प्रधानमन्त्रीसंग भेट हुन नसकेको समाचार प्रकाशित भएका थिए नै । यस्तो अवस्थामा नेपाल आफैं जनआन्दोलनका घाइतेको घरमा गएर उनका परिवारहरुसंग भलाकुसारी गर्नु चानचुने काम हैन । यसले निराश बनिसकेका घाइते र उसका परिवारलाई एउटा ठुलो आत्मशन्तोष दिने छ नै,जनआन्दोलनमा आफुले पु¥याएको योगदानको सरकारले सम्मान गरेको आत्मगौरवबोधले घाइतेको मन पुलकित भयो नै ।

बसमा चढेर सहर परिक्रमा गरेर के माखो मर्छ र भनेको पनि सुनियो । त्यसमा पनि नेपाललालाई नागरिककले पाएको दुखको बारेमा जानकारी नै थियो फेरी किन यो नाटक भनेर आलोचना गरिएको पनि सुनियो । तर,लामो समय वितिसकेको छ नेपालले सर्वसाधारण नागरिकको जीवनसंग प्रत्यक्ष साक्षात्कार नगरेको । २०४६ को राजनीतिक परिर्वतनसंगैको राजनीतिक अवस्थामा प्रवेशपछि उनको सार्वजनिक जीवन बदलियो नै । जसका कारण वास्तवमै नागरिकले दैनिक जीवनयापनका क्रममा कस्ता समस्या भोगिरहेका छन त्यसको प्रत्यक्ष अनुभवको कमी थियो नै नेपालमा । उनले त्यो कमी टुरिष्ट बसवाट काठमाडौं यात्रा गरेर पुरा गर्ने प्रयास गरे । जसको प्रशंसा गर्नुपर्छ नै । यो भ्रमण कुनै दलका नेताको हैन राष्ट्रका कार्यकारी प्रमुख प्रधानमन्त्रीको हो । त्यसैले यसको महत्व विशिष्ट हुने नै भयो ।

त्यसैले हेर्दा यि घटना सामान्य र नाटक समेत लाग्न सक्छ नै । तर, नेपालले अहिलेसम्म नेपालका कुनै प्रधानमन्त्रीले नगरेका सकारात्मक काम गरेका छन । जसको सबैले प्रशंसा गर्नैपर्छ ।

सरकारले पाएको मुल म्यान्डेड अनुसार अहिले काम हुन सकिरहेको छैन । सरकारको मुल म्यान्डेड राजनीतिक गतिरोधको अन्त्य गरी तोकिएको मितिमा संविधान सभा मार्फत नयां संविधान जारी गराउने नै हो । जुन हुन सकिरहेको छैन । तर,प्रयास नै नभएका भने हैनन । राजनीतिक सहमतिको अभियानमा पनि नेपाल सफल हुन सकुन । यही छ जन–जनको कामना ।

© 2009, हाम्रो ब्लग. All rights reserved.

Share on Facebook

• पौडेल, खनाल र दाहालको कठिन रात (2)
• प्रधानमन्त्रीको लिगलिगे दौड (5)
• दस्ता गठनभित्रको राजनीति (7)
• बरदाने व्यवहार (0)
• तेस्रो दिनका तीन दृष्य (25)
• कतै पेट्रोल बम, कतै दमनको तालीम (17)
• आखिर कसले मगायो यो आतंक ? (13)
• सुजाताले मागिन संयन्त्रको सदस्यता (5)
• जनजाति खुसी पार्ने राजनीति (31)
• जातिय विद्वेश फैलाउने प्रतिष्पर्धा (10)