• तरकारीको निहुमा श्रीमानले श्रीमतीलाई गोली हाने
• फोहोर फाल्दा छिमेकीविच भएको झगडामा गोली चल्यो, सात घाइते, तीनको अवस्था गम्भिर
• १२ वर्षिय किशोरको टिफिनबक्समा पेस्तोल फेलाप¥यो
• मोटरसाइकल ठोक्किदा भएको विवादमा गोली प्रहार
• भाडाको विषयमा विवादहुंदा खलासीले यात्रुलाई गोली हाने

जावो सडकमा थुपारेको गिट्टीको विषयमा सामान्य भनाभनहुंदा गोली नै चल्छ भन्ने कसैले अनुमान गरेको हुन्न नै । सामान्य विवादमा कुटाकुटसम्म हुने गरेको हो । विवादमा फलामे रड र खुकुरी प्रहार गरेका घटनाहरु सार्वजनिक भईरहेका हुन । तर, गोली नै चल्ने अनुमान कसैले गरेका थिएनन होला । पहिलोपटक गोठाटार घटनाको बारेमा सुन्दा कसैले ठट्टा गरेको जस्तै लागेको थियो । पहिलोपटक घटना सुनाउने मित्रलाई के ठट्टा गरेको भनेको थिए । तर उनले गम्भिरहुंदै हो भनेपछि बुझ्दा त सत्य नै रहेछ ठट्टा हैन ।

माथिका समाचारका शिर्षकहरु सत्य हैनन आजका दिनमा । समाचारका शिर्षक हेर्दा ठट्टा गरेझै लाग्न नी सक्छ ।  अहिले काठमाडौंमा जुन रुपमा साना हतियार फैलिरहेको छ त्यसको तिव्रता हेर्दा माथि अनुमान गरिएका समाचारका सबै शिर्षक वास्तवीक समाचारको शिर्षक बन्नेछन भोली ।

गिट्टीको विषयमा भनाभनहुंदा गोली चल्यो एकको मृत्यु तीन जना घाइते भन्ने समाचारको शिर्षक अनुमान गरेको भए ठट्टा जस्तै लाग्थ्यो नै । तर, तीन दिन अगाडिको गोठाटारको घटनापछि त्यो शिर्षक अनुमानीत समाचार रहेन वास्तवीक घटना बन्यो ।

सामान्य विवादमा हतियार प्रयोग हुंदा आठ वर्षका बालकको ज्यान गयो तीन जना घाइते भए । १० जनाको भागाभाग छ । उनीहरुको खोजीमा प्रहरी असिनपसिन भएर लागेको छ । साना हतियारका कारण पटक पटक गम्भिर प्रकृतिका घटनाहरु घटिईरहेका थिए । तर, ति संगठीत अपराधीहरुद्धारा भएका गम्भिर प्रकृतिका अपराध थियो । योजनावद्ध हुन्थ्यो त्यस्ता अपराध । तर, गोठाटारको घटना योजनाबद्ध हैन आवेगपुर्ण हो । झगडियाको साना हतियारको पहुंच रहेछ । जसका कारण सामान्य विवादले असामान्य परिणाम ल्यायो ।

साना हतियार नेपालको मात्र समस्या हैन । अहिले विश्वमै साना हतियार शुरक्षाका लागि गम्भिर चुनौती बनेर देखापरेको छ । सशस्त्र द्धन्द्ध भएको नेपालजस्तो मुलुकका लागि थप गम्भिर चुनौती देखिएको छ साना हतियारको सहज पहुंच । द्धन्द्धकाल अगाडि साना हतियारको यस्तो विगविगी थिएन । फाट्टफुट्ट घरमा बनाइएका कटुवा पेस्तोल फेला पर्थे । तर अहिले त अमेरिका,जर्मन, इटलीमा बनेका अत्याधुनिक हतियार सहजै फेला पर्छन । शान्ती शुरक्षाको जिम्मा पाएको प्रहरीले बोक्ने हतियार भन्दा अपराधीसंग तगडा हतियारहरु भेटिन थालेपछि प्रहरी पनि हैरान छ । उनीहरुपनि अशुरक्षित महसुस गरिरहेका छन ।

शुरक्षा निकायका पदाधिकारीहरुसंग कुरा गर्दा जनयुद्धकालमा माओवादीसित रहेको हतियारको एकिन संख्या जानकारी नहुंदा साना हतियार नियन्त्रणमा समस्या परेको बताउंछन । शुरक्षा निकायको ठम्याई–जनयुद्धकालीन अवस्थामा नेपाल भित्रिएका हतियार अहिले शहर बजारमा फैलिएका हुन । तर, त्यसको अर्थ के रहन्छ र ?
प्रहरी अधिकारीहरु अहिले अपराध बढ्नुमा राजनीतिक कारण प्रमुख रहेकोमा जोड त दिन्छन नै । तर उनीहरुले आफुलाई तोकेको जिम्मा पुरा गर्ने हो भने कसले रोक्न सक्छ र ? राजनीतिक नेताले बढी गरेमा सरुवा हो । सरुवा नेपाल बाहिर गर्न सक्दैनन । नेपालभित्रै हो । काम गर्नेका लागि जूम्ला होस या काठमार्डौ के फरक पर्छ र ? तर प्रहरी अधिकारीहरु सकेसम्म राम्रो ठाउंमा बस्न मरिहत्ते गर्छन । जसका कारण उनीहरु राजनीतिक दलका ब्यक्तिसंग सम्झौता गर्न बाध्य हुन्छन ।
यदी जहां गएर पनि असल काम गर्न प्रतिबद्ध हुने हो भने गलत तत्व निवारण हुन बेर लाग्दैन पक्कै । तर गर्ने कसले ?

© 2010, हाम्रो ब्लग. All rights reserved.

Share on Facebook

• यस्तो पनि हुंदो रैछ,नेपालमा कहिले कहिले (2)
• अनमिनमय राजनीति (9)
• एमाले, गोही र आंशु (4)
• खै पुष्पकमल दाहाल? (11)
• खनालको अधुरो सपनामा फसेको राष्ट्र (9)
• प्रचन्ड बाबुराम प्रतिष्पर्धा (3)
• ‘अब राजा फर्काउने बेला आयो’ (12)
• श्यामशरण गर्मी छल्न नेपाल आएका हुन त? (7)
• कुरागरे दिक्क, नगरे खसखस (2)
• मधेसी दलको घातक चाल (6)